आइपीओ अनुमति पर्खिरहेको स्मार्ट डोर्सको आम्दानी २ करोड ५० लाख, नाफा कति ?
काठमाडौं : आईपीओ अनुमति कुर्दै गरेको स्मार्ट डोर्सले सन् २०२४ मा २ करोड ५० लाख रुपैयाँ आम्दानी गरेको छ, जुन अघिल्लो वर्षको तुलनामा २५ प्रतिशतले वृद्धि हो। सन् २०२३ मा कम्पनीको आम्दानी २ करोड रुपैयाँ रहेको थियो।
केयर रेटिङ नेपाल लिमिटेडका अनुसार, सन् २०२४ मा कम्पनीको खुद नाफा ४० लाख रुपैयाँ पुगेको छ। ढोका निर्माणमा संलग्न स्मार्ट डोर्सको हाल दैनिक ६०० वटा ढोका उत्पादन गर्ने क्षमता रहेको छ, र २०७८ सालमा स्थापना भएको यो कम्पनीले २०७८ असारसम्म कुनै ऋण लिएको छैन।
कम्पनीमा प्रवर्धकहरूले २७ करोड ५० लाख रुपैयाँ पुँजी लगानी गरेका छन्, जुन अघिल्लो वर्षको अन्त्यमा ८ करोड २० लाख रुपैयाँ थियो। कम्पनीको कारखाना काठमाडौंको टोखामा अवस्थित छ।
केयर रेटिङ नेपालका अनुसार, यदि कम्पनीले आगामी दिनमा आफ्नो कारोबारलाई लाभदायक ढंगले विस्तार गर्न, मुनाफाको दर कायम राख्न, र कार्यशील पुँजीको प्रभावकारी व्यवस्थापन गर्न सकेमा रेटिङमा सुधार आउन सक्ने छ। तर, यदि बाह्य स्रोतमा निर्भरता बढ्यो वा वर्किङ क्यापिटल व्यवस्थापनमा समस्या आयो भने कम्पनीको वित्तीय लचिलोपन र तरलतामा नकारात्मक असर पर्न सक्छ।
स्मार्ट डोर्स एक सार्वजनिक लिमिटेड कम्पनी हो, जसले १०० रुपैयाँ अंकित मूल्यमा ३ लाख ६ हजार कित्ता आईपीओ बिक्री गर्नका लागि नेपाल धितोपत्र बोर्डमा आवेदन दिएको छ।
कम्पनीले पुनः ‘केयर एनपी बीबी माइन’ रेटिङ पुष्टि गराएको छ। यो रेटिङले यस्तो इस्युअरलाई जनाउँछ जसले वित्तीय दायित्वहरू समयमा पूरा गर्न मध्यम जोखिम बोकेको मानिन्छ। स्मार्ट डोर्सको कारोबार सानो हुनुका साथै अत्यधिक कार्यशील पुँजी आवश्यक पर्ने खालको भएकाले रेटिङमा केही दबाब देखिएको हो।
Tags
Leave a Comments
Comments
Popular
Recent Post
No comments yet.