अघिल्लो वर्ष घाटामा रहेका उपकार लघुवित्त १ करोड ६८ लाख रुपैयाँ नाफामा पुगेको छ।

Feb 4, 2025
28

काठमाडौं : चालु आर्थिक वर्षको दोस्रो त्रैमासिक अवधिमा उपकार लघुवित्त वित्तीय संस्थाले १ करोड ६८ लाख रुपैयाँ खुद नाफा कमाएको छ। अघिल्लो वर्षको यसै अवधिमा कम्पनी १ करोड ७५ लाख रुपैयाँ घाटामा रहेको थियो।

यस अवधिमा लघुवित्तको ब्याज आम्दानी ४२.३२ प्रतिशतले वृद्धि भएर ७ करोड ५ लाख रुपैयाँ पुगेको छ। अघिल्लो वर्ष यो आम्दानी ४ करोड ९५ लाख रुपैयाँ थियो। यस अवधिमा कम्पनीको सञ्चालन नाफा १ करोड १८ लाख रुपैयाँ रहेको छ, जुन अघिल्लो वर्ष १ करोड ९० लाख रुपैयाँ घाटामा थियो।

कम्पनीको चुक्ता पुँजी १० करोड ६१ लाख रुपैयाँ रहेको छ, र यसको जगेडा कोषमा ११ करोड २६ लाख रुपैयाँ जम्मा छ। प्रतिसेयर आम्दानी २५ रुपैयाँ १९ पैसा छ भने प्रतिसेयर नेटवर्थ १६९ रुपैयाँ रहेको छ।