अमेरिकी डलरको भाउ स्थिर, प्रमुख मुद्राहरुको सटही दर कति छ ?

Mar 31, 2025
7

काठमाडौं: अमेरिकी डलरको विनिमय दर आज पनि स्थिर रहेको छ। नेपाल राष्ट्र बैंकका अनुसार सोमबार (चैत १८ गते) १ अमेरिकी डलरको बिक्रीदर १३७ रुपैयाँ ०६ पैसा रहेको छ, जबकि खरिददर १३६ रुपैयाँ ४६ पैसा कायम भएको छ। शनिबारदेखि अमेरिकी डलर यही दरमा कारोबार भइरहेको छ।

राष्ट्र बैंकका अनुसार आज १ युरोको बिक्रीदर १४८ रुपैयाँ ४१ पैसा छ भने खरिददर १४७ रुपैयाँ ७६ पैसा रहेको छ। त्यस्तै, १ बेलायती पाउन्डको बिक्रीदर १७७ रुपैयाँ ३८ पैसा र खरिददर १७६ रुपैयाँ ६१ पैसा रहेको छ।

जापानी १० येनको बिक्रीदर ९ रुपैयाँ १५ पैसा र खरिददर ९ रुपैयाँ ११ पैसा कायम भएको छ।

त्यसैगरी, १ अष्ट्रेलियन डलरको खरिददर ८५ रुपैयाँ ८० पैसा र बिक्रीदर ८६ रुपैयाँ १८ पैसा तोकिएको छ। १ क्यानेडियन डलरको खरिददर ९५ रुपैयाँ ३० पैसा र बिक्रीदर ९५ रुपैयाँ ७२ पैसा रहेको छ।

कतारी रियालको विनिमय दर पनि यथावत रहेको छ, जसअनुसार १ कतारी रियालको खरिददर ३७ रुपैयाँ ४४ पैसा र बिक्रीदर ३७ रुपैयाँ ६० पैसा रहेको राष्ट्र बैंकले जनाएको छ।