अमेरिकी डलर भाउ घट्यो, प्रमुख मुद्राहरुको सटही दर कति छ ?

Apr 4, 2025
3

काठमाडौं: अमेरिकी डलरको विनिमय दर शुक्रबार घटेको छ। नेपाल राष्ट्र बैंकका अनुसार, चैत २२ गते (शुक्रबार) १ अमेरिकी डलरको बिक्रीदर १३७ रुपैयाँ रहेको छ, भने खरिददर १३६ रुपैयाँ ४० पैसा कायम भएको छ। बिहीबार यसको बिक्रीदर १३७ रुपैयाँ १० पैसा र खरिददर १३६ रुपैयाँ ५० पैसा थियो।

यसैगरी, युरोको विनिमय दर भने बढेको छ। बिहीबार १ युरोको बिक्रीदर १४८ रुपैयाँ ०६ पैसा र खरिददर १४७ रुपैयाँ ४१ पैसा रहेकामा शुक्रबार यो बढेर बिक्रीदर १५१ रुपैयाँ ४८ पैसा र खरिददर १५० रुपैयाँ ८२ पैसा पुगेको छ।

नेपाल राष्ट्र बैंकका अनुसार, बेलायती पाउन्डको बिक्रीदर १८० रुपैयाँ २४ पैसा र खरिददर १७९ रुपैयाँ ४५ पैसा रहेको छ। जापानी १० येनको बिक्रीदर ९ रुपैयाँ ३५ पैसा र खरिददर ९ रुपैयाँ ३१ पैसा छ।

त्यसैगरी, अष्ट्रेलियन डलर १ को खरिददर ८६ रुपैयाँ ५० पैसा र बिक्रीदर ८६ रुपैयाँ ८९ पैसा तोकिएको छ। क्यानेडियन डलर १ को खरिददर ९६ रुपैयाँ ४४ पैसा र बिक्रीदर ९६ रुपैयाँ ८६ पैसा कायम भएको छ। कतारी रियाल १ को खरिददर ३७ रुपैयाँ ४२ पैसा र बिक्रीदर ३७ रुपैयाँ ५८ पैसा रहेको राष्ट्र बैंकले जनाएको छ।