एनआईसी एशिया लघुवित्तले एजीएम आह्वान, के छन् एजेन्डा?

Feb 24, 2025
20

काठमाडौं: एनआईसी एशिया लघुवित्तले आगामी चैत ८ गते साधारण सभा आह्वान गरेको छ। सभा गोर्खा होटल, चतरा लाइन, धरान, सुनसरीमा बिहान ९ बजे सुरु हुनेछ।

कम्पनीले यस वर्ष लाभांश प्रस्ताव नगरी एजीएम बोलाएको छ। सभामा गत आर्थिक वर्षको वार्षिक प्रतिवेदन, नाफा-नोक्सान विवरण, नगद प्रवाह विवरण लगायतका विषयमा छलफल हुनेछ। साथै, आर्थिक वर्ष २०८१/८२ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा राखिएको छ।

सभाका लागि कम्पनीले फागुन २८ गते बुक क्लोज गर्ने निर्णय गरेको छ। त्यसैले, फागुन २७ गतेसम्म कायम रहेका सेयरधनीहरू सभामा सहभागी हुन सक्नेछन्।