गत वर्ष घाटामा रहेको रिडी पावर यस वर्ष २ करोड ४९ लाख रुपैयाँ नाफामा

Feb 10, 2025
22

काठमाडौं : रिडी पावर कम्पनी लिमिटेडले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको छ। कम्पनीले चालु आर्थिक वर्षको पहिलो ६ महिनामा २ करोड ४९ लाख रुपैयाँ खुद नाफा कमाएको छ, जबकि गत वर्ष सोही अवधिमा ९ करोड २६ लाख रुपैयाँ नोक्सानमा थियो।

कम्पनीको विद्युत बिक्री आम्दानी बढेपछि नाफामा उक्लिएको हो। गत वर्ष ९ करोड ८२ लाख रुपैयाँ रहेको विद्युत बिक्री आम्दानी अहिले बढेर १८ करोड ६७ लाख रुपैयाँ पुगेको छ।

हाल कम्पनीको चुक्ता पूँजी २ अर्ब ३२ करोड रुपैयाँ छ। यसको जगेडा कोष २३ करोड ९९ लाख रुपैयाँ ऋणात्मक रहेको छ। हालसम्म कम्पनीको प्रतिसेयर आम्दानी (EPS) वार्षिक २ रुपैयाँ १४ पैसा छ भने प्रतिसेयर नेटवर्थ ९५ रुपैयाँ १० पैसा कायम छ।