त्रिशूली जलविद्युतको अन्य आम्दानी बढेसँगै नोक्सानी घट्यो

Feb 10, 2025
22

काठमाडौं : त्रिशूली जलविद्युत कम्पनी लिमिटेडले चालु आर्थिक वर्षको दोस्रो त्रैमास (पुस मसान्तसम्म) ८० लाख ११ हजार रुपैयाँ खुद नोक्सानी व्यहोरेको छ। गत वर्ष सोही अवधिमा कम्पनी १ करोड ८६ लाख रुपैयाँ घाटामा थियो, जसका कारण नोक्सानी घटेको देखिन्छ।

अन्य आम्दानीमा वृद्धि भएकाले घाटा कम हुन सकेको हो। कम्पनीको अन्य आम्दानी ३५ हजार रुपैयाँबाट बढेर १ करोड २३ लाख रुपैयाँ पुगेको छ। हालसम्म कम्पनीले विद्युत उत्पादन सुरु गरेको छैन।

१ अर्ब ७८ करोड ९१ लाख ६२ हजार रुपैयाँ चुक्ता पूँजी रहेको कम्पनीको रिटेन्ड अर्निङ्स २२ करोड ६१ लाख रुपैयाँ ऋणात्मक छ। प्रति सेयर आम्दानी (EPS) ऋणात्मक ०.४५ रुपैयाँ छ भने प्रतिसेयर नेटवर्थ ८७.३६ रुपैयाँ कायम छ।