नेपाल लाइफ इन्सुरेन्सको साधारण सभा आज, लाभांश प्रस्ताव पेश गरिने

Feb 10, 2025
23

काठमाडौं : नेपाल लाइफ इन्सुरेन्स कम्पनी लिमिटेडको वार्षिक साधारण सभा आज (माघ २८ गते) होटल भिष्वा, बीरगंजमा बिहान ९ बजेबाट सुरु भएको छ।

सभामा कम्पनीले गत आर्थिक वर्षको नाफाबाट १० प्रतिशत बोनस सेयर र कर सहित ११.०५ प्रतिशत नगद लाभांश गरी कुल २१.०५ प्रतिशत लाभांश वितरण गर्ने प्रस्ताव पेस गर्नेछ।

यस्तै, आर्थिक वर्ष २०८०–८१ को नाफा-नोक्सान सम्बन्धी हिसाबमाथि छलफल हुनेछ भने आर्थिक वर्ष २०८१–८२ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि समावेश गरिएको छ।

सभा प्रयोजनका लागि कम्पनीले माघ १० गते बुक क्लोज गरिसकेको छ। त्यसैले, माघ ९ गतेसम्म कायम सेयरधनीहरूले मात्र सभामा सहभागी हुन र प्रस्तावित लाभांश प्राप्त गर्न सक्नेछन्।