माइक्रोफाइनान्समा सबैभन्दा महँगो सेयर भएको आत्मनिर्भर लघुवित्तको नाफामा ६९ प्रतिशतको सुधार, अन्य सूचक कस्ता छन् ?

Apr 28, 2025
3

काठमाडौं : आत्मनिर्भर लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्म २ करोड १४ लाख ६२ हजार रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा ६८.९३ प्रतिशतले वृद्धि भएको हो।

गत वर्षको तेस्रो त्रैमासमा संस्थाले १ करोड २७ लाख रुपैयाँ नाफा आर्जन गरेको थियो। यस वर्ष खुद ब्याज आम्दानी ८ करोड ६४ लाख रुपैयाँबाट बढेर ९ करोड ८६ लाख रुपैयाँ पुगेको छ, जसले नाफा वृद्धि गर्न मुख्य भूमिका खेलेको देखिन्छ। साथै, प्रोभिजनका लागि छुट्याइने रकम पनि घटेको छ।

संस्थाको चुक्ता पुँजी ७ करोड ८३ लाख रुपैयाँ छ भने जगेडा कोषमा २० करोड रुपैयाँ रहेको छ। प्रतिसेयर आम्दानी (ईपीएस) २७.४ रुपैयाँ र प्रतिसेयर नेटवर्थ ३५५.३ रुपैयाँ रहेको छ। तर, गैर-सञ्चलनशील कर्जा (एनपीएल) भने १५.०८ प्रतिशत पुगेको छ, जुन उच्च मानिन्छ।

यस लघुवित्तको सेयर मूल्य माइक्रोफाइनान्स समूहको औसत मूल्यभन्दा महँगो रहेको छ, हाल यसको प्रतिकित्ता सेयर मूल्य ५३२०.१२ रुपैयाँ रहेको छ।