माण्डु हाइड्रोपावरको विद्युत बिक्रीबाट आम्दानी २० करोड ४७ लाख, नाफा कति भयो?

Feb 11, 2025
27

काठमाडौं: माण्डु हाइड्रोपावर लिमिटेडले चालु आर्थिक वर्षको दोस्रो त्रैमास (पुस मसान्तसम्म) १६ करोड २० लाख रुपैयाँ खुद नाफा कमाएको छ, जुन गत वर्षको सोही अवधिको तुलनामा ४.९७ प्रतिशतले कम हो। अघिल्लो वर्ष यस अवधिमा कम्पनीको नाफा १७ करोड ५ लाख रुपैयाँ थियो।

कम्पनीको विद्युत बिक्री आम्दानी ४१ करोड ५२ लाखबाट घटेर २० करोड ४७ लाख रुपैयाँ कायम भएको छ, जसले नाफामा दबाब परेको छ। तर, वित्तीय खर्च १२ करोड ९ लाखबाट घटेर ८ करोड १८ लाख रुपैयाँमा झरेको छ।

माण्डु हाइड्रोपावरको हाल चुक्ता पुँजी १ अर्ब ३६ करोड ३६ लाख ३७ हजार रुपैयाँ रहेको छ भने जगेडा कोषमा १७ करोड ५ लाख रुपैयाँ सञ्चित छ। कम्पनीको प्रतिसेयर आम्दानी (EPS) २३.७७ रुपैयाँ र प्रतिसेयर नेटवर्थ १४६.९८ रुपैयाँ रहेको छ।