वैशाख ३ गतेदेखि ‘रिलायबल समृद्धि योजना’ सार्वजनिक निष्कासन सुरु हुँदै

Mar 12, 2025
14

काठमाडौं : रिलायबल इन्भेष्टमेन्ट एन्ड मर्चेन्ट क्यापिटलले आगामी वैशाख ३ गतेदेखि म्युचुअल फन्ड योजना बिक्री गर्ने भएको छ। यसको व्यवस्थापनमा सञ्चालन हुन लागेको ‘रिलायबल समृद्धि योजना’ अन्तर्गत १० करोड इकाई बिक्री गरिनेछ, जसको कुल मूल्य १ अर्ब रुपैयाँ हुनेछ। फन्डको प्रत्येक इकाई १० रुपैयाँ दरमा जारी गरिनेछ।

कुल योजनाको आकारमध्ये १५ प्रतिशत इकाई कोष प्रवर्धक र व्यवस्थापकका लागि सुरक्षित गरिएको छ। जसअन्तर्गत, रिलायबल लाइफ इन्सुरेन्सलाई १४ प्रतिशत अर्थात् १ करोड ४० लाख इकाई, तथा योजना व्यवस्थापकका लागि १ प्रतिशत अर्थात् १० लाख इकाई छुट्याइएको छ। बाँकी ८ करोड ५० लाख इकाई भने सर्वसाधारणलाई बिक्री गरिनेछ।