सिटिजन्स क्यापिटलका तीनै म्युचुअल फन्डको NAV र नाफा यसरी वृद्धि भयो

Feb 27, 2025
11

काठमाडौं: माघ महिनामा सिटिजन्स क्यापिटलद्वारा व्यवस्थापित तीनै म्युचुअल फन्डको प्रतिइकाई खुद सम्पत्ति मूल्य (न्याभ) र नाफामा वृद्धि भएको छ।

सिटिजन्स म्युचुअल फन्ड–१ को न्याभ १ पैसाले बढेर माघमा ११ रुपैयाँ १८ पैसा पुगेको छ, जुन पुसमा ११ रुपैयाँ ১৭ पैसा थियो। यस फन्डले माघ मसान्तसम्म ११ करोड ८५ लाख रुपैयाँ बराबरको सूचीकृत सेयर होल्ड गरेको छ, भने बैंक मौज्दात ५८ करोड ५१ लाख रुपैयाँ रहेको छ। मुद्दति निक्षेपमा ३ करोड रुपैयाँ रहेको फन्डले माघसम्म ९ करोड ३० लाख रुपैयाँ नाफा कमाएको छ, जुन पुसमा ९ करोड २४ लाख रुपैयाँ थियो।

सिटिजन्स म्युचुअल फन्ड–२ को न्याभ माघमा २५ पैसाले बढेर १० रुपैयाँ ८९ पैसा पुगेको छ, जुन पुसमा १० रुपैयाँ ६४ पैसा थियो। यस फन्डले ५० करोड १७ लाख रुपैयाँ बराबरको सूचीकृत सेयर होल्ड गरेको छ। माघ मसान्तसम्म बैंक मौज्दात ९ करोड ६५ लाख रुपैयाँ रहँदा फन्डको नाफा ४ करोड ८३ लाख रुपैयाँ पुगेको छ, जुन पुसमा ३ करोड ४३ लाख रुपैयाँ थियो।

त्यस्तै, सिटिजन्स सुपर ३० म्युचुअल फन्डको न्याभ माघ मसान्तसम्म १९ पैसाले बढेर १० रुपैयाँ ८२ पैसा पुगेको छ, जुन पुसमा १० रुपैयाँ ६३ पैसा थियो। यस फन्डले ५८ करोड ५६ लाख रुपैयाँ बराबरको सूचीकृत सेयर होल्ड गरेको छ। बैंक मौज्दातमा १६ करोड ९१ लाख रुपैयाँ र मुद्दति निक्षेपमा ४ करोड रुपैयाँ रहेको छ। फन्डले माघसम्म ५ करोड ८३ लाख रुपैयाँ नाफा कमाएको छ, जुन पुसमा ४ करोड ३९ लाख रुपैयाँ थियो।