स्वाभिमान लघुवित्तको नाफामा करिब ३५ सय प्रतिशत वृद्धि, इपीएस दोहोरो अंकमा

Feb 9, 2025
25

काठमाडौं : चालु आर्थिक वर्षको दोस्रो त्रैमाससम्म स्वाभिमान लघुवित्तको खुद नाफा २ करोड ३ लाख रुपैयाँ पुगेको छ, जसले अघिल्लो वर्षको तुलनामा ३४९२.०५ प्रतिशत वृद्धि देखाएको छ। गत वर्ष सोही अवधिमा संस्थाले मात्र ५ लाख ६६ हजार रुपैयाँ नाफा कमाएको थियो।

खुद ब्याज आम्दानी ८८.०८ प्रतिशतले बढेर ७ करोड १३ लाख रुपैयाँ पुगेको छ भने संस्थाले ३ करोड ५४ लाख रुपैयाँ राइट ब्याक गरेको छ, जसले नाफा वृद्धि गर्न सहयोग गरेको हो।

संस्थाको चुक्ता पुँजी १४ करोड ६१ लाख ३८ हजार रुपैयाँ छ, जबकि जगेडा कोषमा ८ अर्ब ७५ करोड रुपैयाँ सञ्चित छ। प्रतिसेयर आम्दानी (EPS) २७.८३ रुपैयाँ रहेको छ भने प्रतिसेयर नेटवर्थ १७३.७९ रुपैयाँ कायम भएको छ। संस्थाको खराब कर्जा अनुपात ३.४२ प्रतिशत रहेको छ।