एलआईसी नेपालले लिलामीमा राखेको लगभग सबै सेयर एउटै कम्पनीले हासिल गर्यो

Feb 25, 2025
23

काठमाडौं: लाइफ इन्सुरेन्स कर्पोरेशन (एलआईसी) ले लिलामीमा राखेको लगभग सबै सेयर एनआरएन इन्फ्रास्ट्रक्चर एन्ड डेभलपमेन्टले प्राप्त गरेको छ। एनआरएनले सर्वसाधारण समूहतर्फको ४ लाख ९२ हजार ५७७ कित्तामध्ये ४ लाख ७५ हजार ७०० कित्ता सेयर हात पारेको छ।

एलआईसीले हकप्रद बिक्रीपछि बाँकी रहेको सेयर माघ २१ देखि फागुन ५ गतेसम्म लिलामीमा राखेको थियो।

सोमबार खोलिएको बोलपत्र अनुसार न्यूनतम १,०२२ रुपैयाँ (कट-अफ प्राइस) कबोल गर्ने आवेदकलाई सेयर प्राप्त भएको छ। एनआरएन इन्फ्रास्ट्रक्चर नेपाल विभिन्न क्षेत्रमा लगानी गर्ने सूचीकृत कम्पनी हो, जुन पछिल्ला दिनहरूमा आक्रामक रूपमा लगानी परिचालनमा सक्रिय देखिएको छ।