स्टान्डर्ड चार्टर्डसहित तीन कम्पनीको बोनस सेयर सूचीकरण अन्तिम चरणमा, कसको कति कित्ता?

Mar 6, 2025
21

काठमाडौं: गत वर्षको नाफाबाट वितरण गरिएको बोनस सेयर नेप्सेमा सूचीकरण हुने अन्तिम चरणमा पुगेका तीन कम्पनीहरू स्टान्डर्ड चार्टर्ड बैंक, नेपाल ल्यूब आयल, र राधी विद्युत कम्पनी रहेका छन्। सम्बद्ध कम्पनीहरूका अनुसार यी कम्पनीहरूले सेयरधनीलाई वितरण गरेको बोनस सेयर अब छिट्टै नेप्सेमा सूचीबद्ध हुनेछ।

स्टान्डर्ड चार्टर्ड बैंकले ६.५० प्रतिशत बोनस सेयर अर्थात् ६१ लाख २९ हजार १४५ कित्ता, नेपाल ल्यूब आयलले २० प्रतिशत बोनस सेयरअन्तर्गत १ लाख २१ हजार ४३७.८० कित्ता, र राधी विद्युत कम्पनीले ४.७५ प्रतिशत बोनस सेयर अर्थात् ८ लाख ३३ हजार ९०४.७० कित्ता सूचीकरण गर्ने तयारी गरेको छ। केही दिनभित्रै यी कम्पनीहरूको बोनस सेयर नेप्सेमा सूचीकृत हुने अपेक्षा गरिएको छ।