दुई हाइड्रोपावर कम्पनीका बोनस सेयर सूचीकृत भएका छन्।

Jan 23, 2025
2

काठमाडौं : नेपाल स्टक एक्सचेन्ज (नेप्से)मा सगरमाथा जलविद्युत कम्पनी र साहस उर्जा लिमिटेडका बोनस सेयर सूचीकृत भएका छन्। सगरमाथा जलविद्युतको ५ लाख ३२ हजार कित्ता सेयर सूचीकृत भएको हो, जसले सेयरधनीलाई ४.७५ प्रतिशत बोनस सेयर वितरण गरेको थियो।

अर्कोतर्फ, साहस उर्जाको २८ लाख कित्ता बोनस सेयर सूचीकृत भएको छ। यस कम्पनीले गत वर्षको नाफाबाट सेयरधनीलाई ८ प्रतिशत बोनस सेयर दिएको थियो। नेप्सेले सोही सेयर सूचीकरण भएको जानकारी दिएको छ। उक्त सेयर डिम्याट खातामा जम्मा भएपछि कारोबार गर्न सकिनेछ।