नेशनल लाइफ इन्सुरेन्सको नाफा बढ्यो, प्रतिसेयर आम्दानी दोहोरो अंकमा

Feb 12, 2025
30

काठमाडौं : चालु आर्थिक वर्षको दोस्रो त्रैमासमा नेसनल लाइफ इन्सुरेन्सले २७ करोड ९१ लाख रुपैयाँ खुद नाफा कमाएको छ, जुन अघिल्लो वर्षको तुलनामा ९.४०% वृद्धि हो। गत वर्ष सोही अवधिमा कम्पनीले २५ करोड ५१ लाख रुपैयाँ नाफा आर्जन गरेको थियो।

लगानी तथा कर्जाबाट आम्दानी बढेर २ अर्ब ९२ करोड ३९ लाख पुगेपछि नाफामा सुधार आएको हो। यस्तै, कमिसन आम्दानी पनि ३ करोड ६ लाख रुपैयाँ पुगेको छ, जुन अघिल्लो वर्ष २ करोड ५१ लाख थियो।

कम्पनीको चुक्ता पुँजी ५ अर्ब २१ करोड २१ लाख रुपैयाँ छ, भने रिटेन्ड अर्निङ ७३ करोड ९३ लाख रुपैयाँ रहेको छ। प्रतिसेयर आम्दानी १०.७५ रुपैयाँ र प्रतिसेयर नेटवर्थ १३४.०१ रुपैयाँ कायम भएको छ।