काठमाडौं  : नेपाल राष्ट्र बैंकले बैंकिङ प्रणालीमा थुप्रिएको अधिक तरलता व्यवस्थापनका लागि आज थप ३० अर्ब रुपैयाँ निक्षेप संकलन गर्ने भएको छ।

यसका लागि आज दिउँसो ३ बजे बोलकबोल कार्यक्रम आयोजना हुनेछ। राष्ट्र बैंकका अनुसार निक्षेप दिन चाहने बैंक तथा वित्तीय संस्थाले न्यूनतम १० करोड रुपैयाँ र अधिकतम ५ करोड रुपैयाँको गुणात्मक वृद्धि गर्दै बोलकबोल गर्न सक्नेछन्।

बोलकबोल ब्याजदरमा आधारित हुनेछ भने बहु ब्याजदरमा बहु बोलकबोलको व्यवस्था पनि हुनेछ। यो प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने व्यवस्था गरिएको छ।