खराब कर्जा २०.९० प्रतिशत पुगेपछि नेष्डो समृद्ध लघुवित्त ११ करोड ६० लाख नोक्सानमा

May 9, 2025
3

काठमाडौं : चालु आर्थिक वर्षको तेस्रो त्रैमासमा नेष्डो समृद्ध लघुवित्तको प्रमुख वित्तीय सूचकहरूमा उल्लेखनीय गिरावट देखिएको छ। कम्पनीले यस अवधिमा ११ करोड ६० लाख रुपैयाँ नोक्सानी व्यहोरेको छ, जबकि अघिल्लो वर्षको सोही अवधिमा ४ करोड ६० लाख रुपैयाँ नाफा कमाएको थियो।

इम्पेयरमेन्ट चार्ज उल्लेख्य रूपमा बढेर ४ करोड ५ लाख रुपैयाँबाट २८ करोड ९५ लाख रुपैयाँमा पुगेको छ। यसले कम्पनीको वित्तीय अवस्थामा ठूलो असर पारेको छ। साथै, सञ्चालनतर्फ पनि कम्पनीले ११ करोड ६० लाख रुपैयाँ घाटा व्यहोरेको छ।

खराब कर्जा अनुपात बढेर २०.९० प्रतिशतमा पुगेको छ, जुन अघिल्लो वर्ष १२.५८ प्रतिशत मात्र थियो। निक्षेप संकलनमा सामान्य वृद्धि भए पनि कर्जा लगानीमा गिरावट आएको छ। यद्यपि, खुद ब्याज आम्दानी ३.८८ प्रतिशतले वृद्धि भई केही सुधार देखिएको छ।

कम्पनीको वार्षिक प्रतिसेयर आम्दानी (EPS) ६०.६८ रुपैयाँ ऋणात्मक रहेको छ, जबकि प्रति सेयर नेटवर्थ २२४.७२ रुपैयाँ कायम छ।