नेपाल फाइनान्सले मुनाफा बढायो, प्रमुख सूचकांक के छन्?

Jan 22, 2025
4

काठमाडौं : चालु आर्थिक वर्षको दोस्रो त्रैमासमा नेपाल फाइनान्सले २ करोड ५ लाख रुपैयाँ खुद नाफा कमाएको छ, जुन अघिल्लो वर्षको तुलनामा २४२५.१२ प्रतिशत बढी हो। गत वर्ष यसले ८ लाख १२ हजार रुपैयाँ मात्र नाफा कमाएको थियो।

यस त्रैमाससम्म कम्पनीको खुद ब्याज आम्दानी १२.१५ प्रतिशत र सञ्चालन नाफा ३५०७.७० प्रतिशतले वृद्धि भएको छ, जसले कम्पनीको मुनाफा वृद्धिमा महत्वपूर्ण योगदान पुर्याएको छ।

कम्पनीको वर्तमान चुक्ता पुँजी ७२ करोड ९९ लाख रुपैयाँ रहेको छ, र यसको रिजर्भ कोष ४८ करोड २१४ लाख रुपैयाँ रहेको छ। कम्पनीको खराब कर्जा थोरै घटेर १०.४६ प्रतिशत पुगेको छ, जबकि अघिल्लो वर्ष यो १०.५२ प्रतिशत थियो।

कम्पनीको नाफासँगै प्रतिसेयर आम्दानी पनि वृद्धि भएको छ। यसको प्रतिसेयर आम्दानी २२ पैसाबाट बढेर ५ रुपैयाँ ६२ पैसा (वार्षिक) पुगेको छ, र प्रतिसेयर नेटवर्थ १३७ रुपैयाँ ०७ पैसा कायम भएको छ।