सागर डिष्टिलरीको आईपीओ साउन २८ गतेदेखि

Aug 5, 2025
142

सागर डिष्टिलरी लिमिटेडले साउन २८ गतेदेखि वैदेशिक रोजगारीमा रहेका नेपाली नागरिकहरूका लागि प्राथमिक सेयर (IPO) निष्काशन गर्ने भएको छ। कम्पनीले जारी पूँजीको १०% अर्थात् १ लाख ४५ हजार २०० कित्ता सेयर सार्वजनिक गर्न लागेको हो, जसको कुल मूल्य १ करोड ४५ लाख २० हजार रुपैयाँ बराबर छ।

विदेशमा श्रम स्वीकृति प्राप्त गरी कार्यरत नेपालीले भदौ १ गतेसम्म, आवश्यकता अनुसार भदौ ११ गतेसम्म, न्यूनतम १० कित्ता र अधिकतम ७ हजार कित्ता सेयरका लागि आवेदन दिन सक्नेछन्।

आईपीओ निष्काशनका लागि कम्पनीलाई इन्फोमेरिक्स क्रेडिट रेटिङ्ग नेपालले 'IRN B+ (Single B Plus)' इस्यूअर रेटिङ्ग प्रदान गरेको छ, जसले वित्तीय दायित्व पूरा गर्नमा उच्च जोखिम रहेको देखाउँछ। धितोपत्र बिक्री प्रबन्धक मुक्तिनाथ क्यापिटल लिमिटेड रहेको छ। आवेदन सि-आस्बा प्रणालीमार्फत दिन सकिनेछ।

Share Training in Lalitpur