नेपाल रिपब्लिक मिडियाको ५४ लाख बढी सेयर असारपछि कारोबारयोग्य हुँदै, लक–इन अवधि सकिँदै
नेपाल रिपब्लिक मिडिया लिमिटेड को संस्थापक तथा कर्मचारी समूहले धारण गरेको सेयरको लक–इन अवधि आगामी असारमा समाप्त हुने भएको छ। कम्पनीले सार्वजनिक सूचना जारी गर्दै आईपीओ निष्काशनपछि निश्चित अवधिका लागि रोक्का राखिएको सेयर अब दोस्रो बजारमा कारोबारका लागि खुला हुन लागेको जनाएको हो।
कम्पनीका अनुसार सर्वसाधारणमा आईपीओ बाँडफाँट गरिएको मिति २०८० असार ११ गतेदेखि लागू हुने गरी संस्थापक र कर्मचारी समूहको सेयर तीन वर्षसम्म लक–इनमा राखिएको थियो। सोही व्यवस्थाअनुसार आगामी २०८३ असार १० गतेपछि उक्त अवधि समाप्त हुनेछ।
लक–इन अवधि सकिएसँगै संस्थापक समूहले धारण गरेको ५३ लाख २२ हजार कित्ता सेयर तथा कर्मचारीका लागि छुट्याइएको ८० हजार १५९ कित्ता सेयर कारोबारयोग्य बन्नेछन्। यससँगै कुल ५४ लाखभन्दा बढी कित्ता सेयर दोस्रो बजारमा कारोबारका लागि खुला हुने अवस्था सिर्जना भएको छ।
सूचीकृत कम्पनीहरूले आईपीओ निष्काशन गरेपछि संस्थापक तथा कर्मचारी समूहको सेयर निश्चित अवधिसम्म बिक्री गर्न नपाइने व्यवस्था रहँदै आएको छ। यस्तो प्रावधानले बजारमा स्थायित्व कायम राख्न र प्रारम्भिक चरणमै अत्यधिक बिक्री दबाब सिर्जना हुन नदिन सहयोग गर्ने विश्वास गरिन्छ।
अब लक–इन अवधि समाप्त भएसँगै बजारमा सेयर आपूर्ति बढ्ने सम्भावना रहेकाले लगानीकर्ताले कम्पनीको वित्तीय अवस्था, बजारको माग तथा सम्भावित बिक्री दबाबलाई मूल्यांकन गरेर लगानी निर्णय लिनुपर्ने विश्लेषकहरूको सुझाव छ।
Tags
Leave a Comments
Comments
Popular
Recent Post
No comments yet.